प्रभाकर पणशीकर यांचे नेत्रदान

नुकतेच ज्येष्ठ कलाकार प्रभाकर पणशीकर यांचे निधन झाले. त्यांच्याबद्दल भरभरून लिहिले गेले.'त्यांच्या इच्छेप्रमाणे त्यांचे नेत्रदान झाले' असे एक वाक्य फक्त काही वृत्तपत्रांत आले. अशा थोर व्यक्तीने सामाजिक भान ठेवून नेत्रदानाची इच्छा ठेवणे आणि त्यांच्या वारस कुटुंबियांनी ती जाणीवपूर्वक पूर्ण करणे ही विशेषच गोष्ट असून ती तेवढीच अभिनंदनीय अन अनुकरणीयही आहे.
त्यांच्या तमाम चाहत्यांना या निमित्ताने कळकळीची विनंती करावीशी वाटते की त्यांनीही या राष्ट्रीय गरजेचा गांभीर्याने विचार करून तसेच मानवतावादी दृष्टिनेही नेत्रदानाचा संकल्प करावा.
असा संकल्प म्हणजे त्यांना वाहिलेली कृतीशील श्रद्धांजलीच ठरेल.
- श्री.वि.आगाशे